“Artıq 6-cı gündür ki, Azərbaycan dünya, bəşəriyyət, insanlıq üçün olduqca əhəmiyyətli bir tədbirə - COP29-a ev sahibliyi edir. COP29 tədbirindən öncə, hələ tədbirə hazırlıq dövrü Azərbaycanın bundan öncəki digər beynəlxalq tədbirlərə uğurla ev sahibliyi etdiyi kimi COP29-a da nümunəvi bir ev sahibliyi ilə tarixə düşəcəyini deməyə əsas verirdi və elə bu 6 gün müşahidə etdiklərimiz, həmçinin dünya liderlərinin, ayrı-ayrı xarici ölkə rəhbərlərinin açıqlamları da bu gözləntilərin tamamilə özünü doğrultduğunu deməyə əsas verir”. Bunu xalqcebhesi.az-a açıqlamasında Orta Asiya və Güney Qafqaz Söz Azadlığı Şəbəkəsi” İctimai Birliyinin (CASCFEN) sədri, Əməkdar jurnalist Nadir Azəri deyib.

O qeyd edib ki, Polşa prezidenti, həmçinin digər dövlət rəhbərləri də Azərbaycanın COP29-u yüksək səviyyədə təşkil etdiyini bildirib: “Bu deyilənlərlə yanaşı, bir QHT rəhbəri, həmçinin bir vətəndaş, media təmsilçisi kimi biz də bunu görürük. Ölkəmizin bu uğuru, bütün sahələrdə ortaya nümunə qoyması hamımızı sevindirir. Ən əsas da məni o qürurlandırır ki, Azərbaycan ekoloji problemlərə, yaşıl enerjiyə keçid, insanlığın gələcəyini təhdid edən problemlərin aradan qaldırılması məsələsində ön sırada gedərək öz töhfəsini verir”.

Röya İsrafilova