“Bu, mənim iştirak etdiyim ilk COP-dur. Burada olduğum üçün çox şadam. Azərbaycanın qonaqpərvərliyini, bizi mehriban qarşılamasını, təmizliyini və sakitliyini çox sevdim”.

Bu sözləri AZƏRTAC-a müsahibəsində COP29-un uqandalı iştirakçısı Allen Muhire söyləyib.

“COP29-dan gənclərin səsinin eşidilməsini gözləyirəm. Mən ölkələrin, QHT-lərin, liderlərin, danışıqlar aparanların bütün maddələrlə razılaşaraq konsensusa gələcəklərinə ümid edirəm”, - deyə o əlavə edib.