Azərbaycan Respublikasının Gənclər Fondunun “İdeyanı Reallaşdır 2023” qrant müsabiqəsinin qalibi olan “Müasir informasiya texnologiyaları mühitində gənclərin media savadlılığının formalaşdırılması” adlı layihə ümumilikdə 4 gün olmaqla 50 nəfərdən çox gəncin iştirakı ilə interaktiv müzakirələr və təlimlər uğurla həyata keçirilərək başa çatdırılıb.

Təlimlər zamanı gənclərə media savadlılığı anlayışı, media savadlılığının önəmi, “feyk nyus” anlayışı və “feyk nyus”ları tətbiq etmə metodları öyrədilmişdir. Azərbaycan Respublikasının informasiya sahəsindəki yarana biləcək təhlükələrə qarşı atdığı addımlar, informasiyaların yayılması, ötürülməsi və digər xüsusiyyətlərinə dair qanunvericiliklə təsbit olunmuş normalar iştirakçıların diqqətinə çatdırılıb.

İştirakçılarla interaktiv müzakirələr aparılmış, media savadlılığı yönündə biliklərini ölçmək üçün suallar verilmiş, debatlar təşkil olunub.

Layihənin sonunda iştirakçılara layihə rəhbəri Tamaşa Hacılı və təlimçi Fədai Mərdanlı tərəfindən sertifikatlar təmin olunub.