"Dövlət Sosial Müdafiə Fondu" (DSMF) pensiya, sosial ödənişlər və əməkhaqqı kartları ilə bağlı xidmətlərə 48 milyon manata yaxın vəsait xərcləyib.

“APA-Economics” xəbər verir ki, DSMF bununla bağlı tender keçirib.

Pensiya və əmək haqqı kartları üzrə xidmətlərlə bağlı tenderin qalibi “Azərbaycan Beynəlxalq Bankı”na (ABB) 22,98 milyon manat ödəniş edilib.

ABB bir il ərzində pensiya kartları üzrə 4 milyard 488 milyon 236 min 440 və əmək haqqı kartları üzrə 108 milyon 69 min 570 əməliyyat icra edəcək.

Sosial ödənişlərin nağdsız qaydada ödənilməsi məqsədilə göstəriləcək bank xidmətləri üzrə tenderin qalibi isə “Kapital Bank” seçilib. DSMF 4 milyard 912 milyon 33 min 560 əməliyyat üzrə banka 24,56 milyon manat ödəniş edib.