Qərbi Azərbaycan əyalətinin mərkəzi Urmu şəhərinin bələdiyyəsinin işçiləri yeni təşkilat yaratmağa qərar veriblər.

Gunaz.tv

Bu barədə "İlna" xəbər agentliyi məlumat yayıb.

Bələdiyyə içiləri uzun illərdir hüquqlarının pozulduğunu, əmək haqları və başqa qanuni ödənişlərinin artırılmadığı və vatında ödənilmədiyini deyiblər.

"Hazırda mövcud olan İşçilərin İslami Şurası və işçilərin hüquqları ilə əlaqəli başqa qurumlar bizim problemlərimizin həllinə laqeyd yanaşır, bu səbəbdən də yeni qurum yaradaraq qanuni hüquqlarımızın əldə edilməsinə çalışacayıq",- məlumatda bildirilib.

Qeyd olunub ki, Urmu bələdiyyəsində müvəqqəti müqavilələr əsasnda çalışan işçilərin vəziyyəti daha ağırdır.

Onlar az əməkhaqqı alır və iş təhlükəsizlikləri olmadığına, işdən çıxarılmaq qorxusuna görə hüquqlarını tələb edə bilmirlər.