Təbrizdə və əyalətin sənaye və böyük şəhərlərində hava çirkliliyi təhlükəli vəziyyətə çatmaq astanasındadır və havanın çirklənmə indeksinin artması bütün yaş qrupları üçün qeyri-sağlam olacaq.

Gunaz.tv

Bu barədə Şərqi Azərbaycan əyalətinin Meteorologiya İdarəsinin nümayəndəsi Məhəmməd Ümidfər xəbərdarlıq edib.

"Meteorologiya İdarəsi bununla bağlı Təbriz, Azərşəhr, Üskü, Binab, Səhənd və Əcəbşer şəhərlərində narıncı xəbərdarlıq edib",- o, bildirib.

Fosil yanacaq istehlakının optimal idarə edilməsinə və əyalətdə çirkləndirici sənaye müəssisələrinin fəaliyyətinə nəzarət etməyə çağıran Ümidfər, vətəndaşlara şəxsi nəqliyyatdan istifadəni azaltmağı və açıq havaya çıxmaqdan maksimum çəkinməyi tövsiyə edib.

Qeyd edək ki, Təbrizin havasının çirklənməsinin əsas amillərindən biri də İstilik Elektrik Stansiyasında dizel yanacağından istifadə edilməsidir.

Əyalət rəhbərliyi və İES-lərin məsulları İran Milli Qaz Şirkətinin Şərqi Azərbaycan əyalətində mövcud olan istilik elektrik stansiyalarına qaz verilişini dayandırdığı üçün dizel yanacağından istifadə etməyə məcbur olduqlarını bildirirlər.