Şərqi Azərbaycan əyalətinin Əhər rayonunun Zəndabad kəndinin əhalisi rayon mərkəzində etiraz aksiyası keçiriblər.

Gunaz.tv

Bu barədə yerli media məumat yayıb.

Etirazçılar bölgədə fəaliyyət göstərən Əncird mis mədəninin əkin sahələrini məhv etdiyini, su qaynaqlarını çirkləndirdiyini bildirblər.

Kəndlilər bununla yanaşı otlaq sahələrin də qanunsuz mənmsənildiyinə diqqət çəkib və Əncird mədəninin sahəsinin müəyyənləşdirilməsini, kəndlilərə dəyən zərərin ödənilməsini tələb ediblər.

Qeyd edək ki, bundan əvvəl də bir neçə dəfə oxşar tələblərlə etiraz aksiyası keçirilib.

Bundan əvvəlki etirazçılar göstərilən problemlərlə yanaşı mədən ərazisində qeyri-standart partlayışlar nəticəsində ətraf kəndlərdəki evlərin zədələnməsini bildiriblər.