İspaniyanın “Barselona” klubu unikal göstəriciyə imza atıb.

AZƏRTAC xəbər verir ki, Kataloniya təmsilçisinin heç-heçəsiz rəsmi oyunlar seriyası 30-a çatıb.

Komanda buna UEFA Çempionlar Liqasının əsas mərhələsinin IV turunda Serbiyada “Srvena Zvezda”nı 5:2 hesabı ilə məğlub etməklə nail olub.

“Barselona” son 30 rəsmi qarşılaşmada rəqiblərinə ya qalib gəlib, ya da uduzub. Bu matçların heç birində bərabərlik qeydə alınmayıb.

Bununla da klub 97 ildən sonra ilk dəfə həmin göstəricini təkrarlayıb.