Rusiyanın “Dinamo” (Mahaçqala) klubunda çıxış edən Anton Kraçkovskinin “Turan Tovuz”a keçəcəyi təsdiqlənib.

Bu barədə Mahaçqala təmsilçisinin baş direktoru Şamil Qazizov Rusiya mətbuatına açıqlamasında deyib.

“Böyük ehtimalla, Kraçkovski daha çox oyun praktikası qazanmaq üçün yanvarda “Turan Tovuz”a icarəyə veriləcək” – klub rəsmisi bildirib.

Qeyd edək ki, Anton Kraçkovski “Dinamo”ya da 2023-cü ildə məhz K. Berdiyevin istəyi ilə Qazaxıstanın “Kayrat” komandasından cəlb edilmişdi. Futbolçu bu mövsüm Rusiya Premyer Liqasında 7 matçda forma geyinib.