ABŞ-ın Milli Basketbol Assosiasiyasında (NBA) növbəti oyunlar keçirilib.

AZƏRTAC xəbər verir ki, basketbol azarkeşləri altı qarşılaşmaya şahidlik ediblər.

Qərb Konfransında “Oklahoma-Siti Tander”dən sonra ikinci yer uğrunda mübarizə aparan komandalar arasında keçirilən görüşdə “Hyuston Rokets” səfərdə “Memfis Qrizliz”ə 120:118 hesabı ilə qalib gəlib. Qalib komandanın heyətində Ceylen Qrin 42 xal toplayaraq öz rekordunu yeniləyib, Türkiyə millisinin basketbolçusu Alperen Şengün 17 xal, 8 ribaund, Amen Tompson isə 19 xal və 13 ribaundla yadda qalıb. Meydan sahiblərində isə Ca Morant 29, Desmond Beyn 22, Caren Cekson 17 xal toplayıb.

Matçların nəticələri:

"Minnesota Timbervolves" - "Vaşinqton Vizards" – 120:106

"Qolden Steyt Uorriors" - “Toronto Raptors” – 101:104

“Detroit Pistons” - “Nyu York Niks” – 124:119

“Memfis Qrizliz” - “Hyuston Rokets” – 118:120

"Mayami Hit" - “Los Anceles Klippers” – 98:109

“San Antonio Spörs” - “Los-Anceles Leykers” – 126:102