19:15

Futbol üzrə Misli Premyer Liqasında XXV tura start verilib.

Xalqcebhesi.az xəbər verir ki, açılış oyununda “Səbail” doğma meydanda “Şamaxı”nı qəbul edib.

Görüş qonaqların 2:0 hesablı qələbəsi ilə başa çatıb. Qolları 41-ci dəqiqədə Vasiliye Bakiç və 63-cü dəqiqədə Andrey Tirkoveanu vurublar.

Bu nəticədən sonra xallarını 24-ə çatdıran “Şamaxı” 7-ci pilləyə yüksəlib. “Səbail” isə 18 xalla sonuncu – 10-cu sırada qalıb.

Günün son oyununda “Qarabağ” “Sumqayıt”ın qonağı olacaq. Mehdi Hüseynzadə adına Sumqayıt şəhər stadionunda reallaşacaq qarşılaşma saat 19:30-da başlayacaq.

Qeyd edək ki, XXV turun digər görüşləri martın 5-6-da keçiriləcək.

***

"Sumqayıt" doğma meydanda "Qarabağ"ı qəbul edib. Görüş Ağdam klubunun 2:0 hesablı qələbəsi ilə yekunlaşıb.

Qolları Kadi Borges və Leandro Andrade vurublar. Hər iki qol ilk hissədə vurulub.

Bu nəticədən sonra xallarını 60-a çatdıran Ağdam təmsilçisi turnir cədvəlinə başçılıq edir. "Kimyaçılar" isə 22 xalla 8-ci pillədə qərarlaşıb.