ABŞ-ın Milli Basketbol Assosiasiyasında (NBA) növbəti oyunlar keçirilib.

AZƏRTAC xəbər verir ki, ötən gecə daha iki qarşılaşma təşkil olunub.

Günün ilk görüşündə “Sakramento” səfərdə “Detroit Pistons”u 127:117 hesabı ilə üstələyərək müntəzəm mövsümdə ardıcıl üçüncü qələbəsini qazanıb. İkinci matçda isə “Mayami Hit” doğma meydanda “Filadelfiya”ya 117:105 hesabı ilə qalib gələrək, iki oyunluq məğlubiyyət seriyasına son qoyub.

Bu nəticələrdən sonra “Detroit Pistons” Şərq Konfransının turnir cədvəlində 6-cı, “Mayami Hit” 10-cu, “Filadelfiya” 13-cü pillədə qərarlaşıb. “Sakramento” isə Şərq Konfransında 9-cu sırada yer alıb.