ABŞ Müdafiə Nazirliyi İraqda Vaşinqtonun rəhbərlik etdiyi beynəlxalq koalisiya qüvvələrinin istifadə etdiyi Ayn əl-Əsəd aviabazasının atəşə tutulması nəticəsində bir neçə amerikalı hərbçinin yaralandığını təsdiqləyib.

"Biz təsdiq edə bilərik ki, bu gün Ayn əl-Əsəd aviabazasında Amerika və koalisiya qüvvələrinə raket hücumu olub", - deyə Pentaqon rəsmisi TASS müxbirinə bildirib.

O, əlavə edib ki, ABŞ ordusu insidentlə bağlı yeni məlumatlar əldə olunduqca daha ətraflı məlumat verəcək.

Bundan əvvəl Shafaq News portalı İraq təhlükəsizlik xidmətindəki mənbəyə istinadən məlumat vermişdi ki, ölkənin qərbindəki Ənbar əyalətində beynəlxalq koalisiya qoşunlarının istifadə etdiyi Ayn əl-Əsəd aviabazası raket atəşinə tutulub.

Cavid