ABŞ Dövlət Departamenti Tayvana 228 milyon dollar dəyərində müxtəlif ehtiyat hissələrinin mümkün satışını təsdiqləyib.

APA xəbər verir ki, bu barədə sentyabrın 17-də ABŞ Müdafiə Nazirliyinin Təhlükəsizlik üzrə Əməkdaşlıq Agentliyi məlumat yayıb.

Bildirilib ki, satışı mümkün olan ehtiyat hissələrə aviasiya qurğuları da daxildir.

Dövlət Departamenti bu qərarla bağlı Konqresə artıq məlumat verib. İndi Qanunverici orqanın potensial sövdələşməni nəzərdən keçirmək və potensial olaraq onu bloklamaq üçün 30 günü var.