Türkiyə Prezidenti Rəcəp Tayyib Ərdoğanın “Əsəd ilə görüşmə iradəmizi ortaya qoyduq. Biz idi qarşı tərəfdən cavab gözləyirik” sözlərinə Suriya Prezidenti Bəşər Əsədin baş məsləhətçilərindən Buseyna Şaban cavab verib.
Xalqcebhesi.az xəbər verir ki, bu haqda Türkiyənin “Bir gün” xəbər saytı məlumat paylaşıb.
Məlumatda bildirilir ki, B.Şaban “Türkiyə torpaqlarımızın bir hissəsini işğal edir və təhlükəli türkləşdirmə prosesi həyata keçirir. Ərdoğan seçkilərdən əvvəl Suriya ilə yaxınlaşmaq istəyindən bəhs etdiyi açıqlamalar verən zaman seçkidə qalib gəlmək məqsədi güdürdü, amma təklif edəcəkləri bir şey yox idi. Meydanda etdiklərini davam etdirmək, torpaqlarımızı işğal etmək, kürdlərə hücum etmək istəyirlər” deyib.
O, həmçinin “Biz Türkiyənin geri çəkilmə şərtini qəbul etməli olduğunu bildirdik. Dərhal geri çəkilmələrini söyləmədik. Amma bu prinsipi qəbul etmək istəmirlərsə, masa arxasına oturmayacağıq” deyə qeyd edib.