HƏMAS hərakatı, komandirlərindən birinin İsrailin İordan çayının qərb sahilinə endirdiyi zərbələr zamanı öldürüldüyünü təsdiqləyib.

APA xəbər verir ki, hərəkatın hərbi qolu olan “İzəddin Əl-Qəssam Briqadaları” İsrailin İordan çayının qərb sahilindəki eyniadlı şəhərdəki Tulkarm qaçqın düşərgəsinə endirdiyi zərbə nəticəsində komandirlərindən birinin öldürüldüyünü təsdiqləyib.

Onlar həmçinin hava hücumu nəticəsində bundan başqa 7 döyüşçünün də öldürüldüyünü bildiriblər.

Qeyd edək ki, dünən İsrail ordusu HƏMAS-ın Tulkərmdəki qərargahının rəhbəri Zahi Yasir əl-Razake Ufini öldürdüyünü açıqlamışdı.

Bundan əvvəl İsrail Qəzza zolağında HƏMAS-ın bir kilometrlik tunelini partladıb.