Ukrayna üzrə sülh danışıqlarının pozulmasına görə məsuliyyət daşımıram.

Xalqcebhesi.az xəbər verir ki, bunu Britaniyanın keçmiş baş naziri Boris Conson “Azad olunmuş” adlı kitabında yazıb.

Consonun sözlərinə görə, Kiyev müstəqil olaraq 2022-ci ilin aprelində İstanbulda Moskva ilə davam edən dialoqa son qoymaq qərarına gəlib:

“Bu, tam cəfəngiyatdır. Ukraynalılar heç vaxt Putinin şərtləri ilə razılaşmayacaqlar. Mən Kiyevə gələnə qədər dünya mediası rusların Ukraynada törətdiyi iddia edilən hərbi cinayətlər mövzusunu artıq geniş şəkildə işıqlandırmışdı və heç bir Ukrayna lideri sülh sazişi ilə razılaşa və sonra beş dəqiqədən çox hakimiyyətdə qala bilməzdi. Mənim işim Ukrayna Prezidenti Vladimir Zelenskini Qərbin və hər şeydən əvvəl Böyük Britaniyanın dəstəyinə inandırmaq idi”.