Rusiya 2023-cü ildə tanklar üçün döyüş sursatlarının istehsalını 30 dəfə artırıb.

APA-nın Rusiya bürosu xəbər verir ki, bunu Rostex dövlət korporasiyasının baş direktoru Sergey Çemezov bildirib.

Onun sözlərinə görə, artilleriya sursatlarının istehsalı altı dəfə, reaktiv yaylım atəşi sistemləri üçün mərmilərin istehsalı dəfələrlə artırılıb.

Çemezov qeyd edib ki, Rostex həmçinin 2024-cü ilin sonuna qədər xüsusi hərbi əməliyyat üçün PUA tədarükünü üç dəfə artırmağı planlaşdırır.