İsrail hərbçiləri cümə axşamı Livanın şərqindəki ərazilərə hava hücumlarını davam etdirib.

APA xəbər verir ki, bu barədə Qətərin “Əl-Cəzirə” telekanalı məlumat yayıb.

Məlumata görə İsrail ordusu Livanın şərqindəki Bekaa vadisindəki tarixi Baalbek bölgəsində iki şəhərə yeni hücumlar həyata keçirib və nəticədə 8-i qadın olmaqla azı 19 nəfər həlak olub.

Bundan əvvəl İsrail ordusu Hərbi Hava Qüvvələrinin Baalbek və Nəbatiyyə bölgələrində “Hizbullah” hərəkatının qərargahına hücum etdiyini açıqlamışdı.