Quql axtarış sisteminin fotoları Ukrayna silahlı qüvvələrinin yerləşdiyi yerin məxfi ərazini üzə çıxarıb.

Xalqcebhesi.az xəbər verir ki, bunu Ukrayna Milli Təhlükəsizlik və Müdafiə Şurasının Dezinformasiyaya Qarşı Mübarizə Mərkəzinin rəhbəri Andrey Kovalenko deyib.

"Vəziyyəti təsəvvür edin. Quql hərbi sistemlərimizin yerini göstərən xəritələrdə yenilənmiş fotoları yerləşdirir. Bunu tez bir zamanda düzəltmək üçün onlarla əlaqə saxlayırıq, lakin onların həftə sonu istirahət günüdür. Onların buna vaxtları yoxdur. Bu dünyanın dərdi nədir?",- o bildirib.

Qeyd edək ki, daha sonra o, Quqlun vəziyyəti düzəltmək üçün çalışdığını vurğulayıb.