İsrail Ordusunun sözçüsü tərəfindən verilən açıqlamada Suriyadan atılan pilotsuz uçuş aparatının (PUA) gecə saatlarında İsrail sərhədlərində qarşısının alındığı deyilir. Açıqlamada eləcədə qeyd edilir ki, gecə yarısı Livandan İsrailə atılan iki raketin qarşısı alınıb.

Xalqcehbesi.az xəbər verir ki, bu haqda Türkiyənin “sabah.com.tr” saytı xəbər paylaşıb.

Xəbərdə bildirilir ki, həmçinin İsrail ordusu Livanın cənubundakı qarşıdurmada bir əsgərin ağır yaralandığını açıqlayıb.

Qeyd edək ki, İsrail ordusundan dünən verilən açıqlamada döyüş təyyarələrinin Hizbullahın Suriyadakı kəşfiyyat qərargahını hədəf aldığı iddia edilib.
xalqcehbesi.az