Fransanın milli mətbuatında yer alan xəbərlərə görə, Fransız ailələri TikTok-a qarşı iddia qaldıraraq dünya səviyyəsində təxminən 1,6 milyard istifadəçisi olan platformanın alqoritminin uşaqların özlərinə zərər verə biləcəyi, intihara və qidalanma pozğunluğuna səbəb ola biləcək məzmunlar təqdim etdiyini bildirib.

Xalqcebhesi.az xəbər verir ki, bu haqda Türkiyənin “sabah.com.tr” saytı yazıb.

Məlumatda deyilir ki, iddiaçılar arasında qızları intihar edən iki ailə, uşaqlarının TikTok istifadə etdikdən sonra intihara cəhd etdiyini iddia edən dörd ailə var. Sosial media platformasından şikayətçi olan başqa bir ailə isə uşağının TikTok səbəbindən qidalanma pozğunluğu yaşadığını irəli sürüb.

Qeyd edək ki, uşaq və gənclər üçün təhlükə yaratdığı səbəbi ilə ABŞ və Avropanın müxtəlif yerlərində platformaya qarşı iddia qaldırılıb.