Kreml sözçüsü Dmitri Peskov ABŞ vitse-prezidenti Kamala Harrisin Vladimir Putinin naharda Donald Trampı “yeyəcəyi” ilə bağlı sözlərinə zarafatyana şəkildə münasibət bildirib.

Xalqcebhesi.az xəbər verir ki, Peskov jurnalistin bununla bağlı sualına cavabında təbəssümlə “Putin insanları yemir” cavabını verib.

Qeyd edək ki, demokratların namizədi, seçkilərdə məğlub olmuş K.Harris hələ sentyabr debatlarında Trampın qalib gələcəyi təqdirdə avropalı müttəfiqlərini Putinə qurban edəcəyini, həmçinin Trampın özünün də "naharda Putin tərəfindən yeyiləcəyini" bildirmişdi.