Avropa Birliyinin baş diplomatı Jozep Borrell AB-ni Rusiyanın dondurulmuş aktivlərinin ekspropriasiyası ilə bağlı qərar qəbul etməyə çağırıb.

Xalqcebhesi.az xəbər verir ki, bunu Borrell Avropa Parlamentində AB-ABŞ münasibətlərinə dair dinləmələrdə deyib.

Borrell Donald Trampın prezident seçildikdən sonra Ukraynaya yardımın kəsilmə təhlükəsi olduğunu bildirib:

“Onlardan əldə olunan gəlirləri Ukraynanın müdafiə sənayesini maliyyələşdirmək üçün istifadə etsək, bu, kifayət etməyəcək. Biz aktivlərin özləri ilə nə etməli olduğumuzu müəyyənləşdirməliyik. Avropa Birliyi Vaşinqtonun Kiyevə hərbi yardımını kompensasiya etmək üçün çox böyük maliyyə və sənaye səyləri göstərməli olacaq ki, bu da hazırda birliyin yardımının həcmini 25% üstələyir”.