Gürcüstanın paytaxtı Tiflisdə etirazçılar canlı yayım tələbi ilə ölkənin İctimai Televiziyasının binasına axın edib.

Xalqcebhesi.az xəbər verir ki, bu barədə TASS məlumat yayıb.

Qeyd olunur ki, etirazçılar, o cümlədən tanınmış ictimai xadimlər bildirirlər ki, yayım dövlət büdcəsindən maliyyələşir və ona görə də telekanal xəbərləri qərəzsiz, xüsusən də bir neçə gündür ölkədə keçirilən mitinqlərlə bağlı xəbərlər yayımlamalıdır.

Artıq kanal rəhbərliyi onlarla görüşüb, bir neçə saatdan sonra canlı yayımı təmin edəcəyinə söz verib. Etirazçılar bununla razılaşaraq binanın foyesini tərk edərək binanın həyətində gözləyirlər.

Bundan əlavə, hökumət əleyhinə əsas mitinq Rustaveli prospektində parlament binasının yaxınlığında toplanır. Artıq insanlar qanunvericilik binasına yaxınlaşırlar. Oraya əlavə polis dəstələri yerləşdirilib.