Donald Trampın ABŞ-nin prezident seçkilərində qalib gəlməsindən sonra 14 noyabrda Türkiyənin “Sözcü” qəzetinə açıqlama verən Türkiyənin Əməkdar generalı Osman Pamukoğlu, “ABŞ-nin məqsədi Yaxın Şərqdə kürd dövləti qurmaqdır. Siyasi məqsəd budur, ABŞ-nin bundan əl çəkəcəyini düşünən xəyal görür. Xüsusilə Tramp seçkilərdə qalib gəldiyi üçün bu, mümkün deyil” deyə bildirib.

Xalqcəbhəsi.az xəbər verir ki, bu haqda Türkiyənin “sozcu.com.tr” saytı xəbər paylaşıb.
Xəbərdə qeyd edilir ki, O.Pamukoğlu ABŞ-nin YPG-də yeni favoritinin Mazlum Kobani olduğunu açıqlayıb. O.Pamukoğlunun proqnozu 15 gündən sonra özünü doğruldub.

Tramp PKK-YPG-yə dəstəyini davam etdirib. Trampın andiçmə mərasiminə PKK-nın Suriya qolu PYD və Demokratik Suriya Qüvvələrinin (DSG) liderləri M.Kobani və İlham Əhməd dəvət olunub. Onlar ikisi də 20 yanvar 2025-ci ildə Vaşinqtonda keçiriləcək andiçmə mərasimində iştirak edəcək.

Qeyd edək ki, Tramp ilk səlahiyyət müddətində də terrorçu M.Kobaniyə təşəkkür edib və ona “general” deyə müraciət edib.