Vladimir Putin ABŞ-ın yeni seçilmiş prezidenti Donald Trampın andiçmə mərasimində iştirak etmək üçün Vaşinqtondan dəvət almayıb.

Bu barədə jurnalistlərə Rusiya liderinin mətbuat katibi Dmitri Peskov məlumat verib.

Trampın Kremlə dəvət edib-etməməsi ilə bağlı suala o, “Xeyr, etmədi” deyib.

Bundan əvvəl Amerikanın CBS-News telekanalı öz mənbələrinə istinadən belə bir dəvətin Çin prezidenti Si Cinpinə göndərildiyini bildirib.

Pekin bu məlumatı təsdiqləməyib. Çin Xarici İşlər Nazirliyinin sözçüsü Mao Ning jurnalistlərə açıqlamasında "Hazırda açıqlamaq üçün məlumatım yoxdur" deyib.

Əlavə edək ki, ABŞ prezidentinin andiçmə mərasimində adətən yalnız ölkədə akkreditə olunmuş diplomatlar iştirak edir. Tədbir 20 yanvar 2025-ci il tarixinə planlaşdırılır.

Cavid