Qəzzadakı Fələstin Səhiyyə Nazirliyinin açıqlamasında İsrailin Qəzza zolağına 433 gündür davam edən hücumları ilə bağlı məlumat verilib.

Xalqcəbhəsi.az-ın Türkiyənin “haberglobal.com.tr” saytına istinadən xəbərinə görə, İsrail ordusunun Qəzza zolağının müxtəlif bölgələrində son 24 saatda həyata keçirdiyi 3 qətliamda 30 nəfərin həyatını itirdiyi, 99 nəfərin isə yaralandığı bildirilib.

Qeyd olunub ki, İsrailin 7 oktyabr 2023-cü ildən etibarən Qəzza zolağına təşkil etdiyi hücumlarda ölənlərin sayı 44 min 835-ə, yaralıların sayı isə 106 min 356-ya yüksəlib.

Açıqlamada həmçinin dağıntılar altında və yol kənarlarında ölənlərin olduğu, lakin İsrail qüvvələrinin maneəsi üzündən tibb qruplarının və mülki müdafiə işçilərinin cəsədlərə çata bilmədiyi vurğulanıb.