Ukrayna Müdafiə Nazirliyinin Baş Kəşfiyyat İdarəsinin Telegram hesabından edilən yazılı açıqlamada Rusiyanın Kursk bölgəsində Ukrayna və Rusiya orduları arasında davam edən qarşıdurma ilə bağlı məlumat verilib.

Xalqcəbhəsi.az Türkiyənin “ahaber.com.tr” saytına istinadən bildirir ki, açıqlamada dekabrın 14-ü və 15-də bölgənin Plexovo, Vorozba və Martinovka kəndlərində baş verən qarşıdurmalarda 30 Şimali Koreya əsgərinin öldüyü və ya yaralandığı iddia edilib.
Açıqlamada həmçinin 3 Şimali Koreya əsgərinin itkin düşdüyü və Şimali Koreya birliklərinin itkilər verməyə davam etdiyi vurğulanıb.