Macarıstan hələ də ümid edir ki, Rusiya və Ukrayna pravoslav Milad bayramına qədər atəşkəs və genişmiqyaslı məhbus mübadiləsi barədə razılığa gələ biləcəklər.

Bunu Macarıstanın baş naziri Viktor Orban Kossuth radiostansiyasının səhər proqramında çıxışı zamanı deyib.

O qeyd edib ki, dekabrın 25-də qeyd olunacaq katolik Milad bayramına qədər müharibə edən tərəflərin yəqin ki, belə bir müqavilə bağlamağa vaxtı olmayacaq. "Ona görə də mən əmin olmağa çalışacağam ki, bu, pravoslav Milad bayramında baş versin", yəni yanvarın 7-dək bu təklifi Moskva və Kiyevə ünvanlayan hökumət başçısı bildirib.

Orban hesab edir ki, razılaşsalar, Rusiya və Ukrayna 700-800, hətta 1 min məhbusu dəyişdirə bilər. “Təxminən 1 min insan hətta iki-üç gün ərzində öz ailələrinin yanına qayıda bilər”, - deyə baş nazir bildirib. O, belə bir razılaşmanın reallığa çevrilməsi üçün səylərini davam etdirəcəyini təsdiqləyib.

Cavid