Braziliyanın cənubundakı Rio-Qrande-du-Sul ştatında yerləşən Kanela hava limanından havaya qalxan kiçik şəxsi təyyarə qəzaya uğrayıb.

Xalqcebhesi.az xəbər verir ki, bu barədə ştatın qubernatoru Eduardo Leyti bildirib.

Məlumata görə, Braziliyanın cənub-şərqindəki San-Paulu ştatına uçan təyyarə mebel mağazası və otellərin yerləşdiyi binalara çırpılıb. Qəzadan sonra yanğın baş verib. Təyyarədə olan 10 sərnişinin hamısı həlak olub. Oteldə qalan 15 nəfər isə xəstəxanaya aparılıb.

Təyyarə yerli biznes meneceri Luis Klaudio Salgeyro Qaleaziyə məxsus olub, lakin onun sərnişinlər arasında olub-olmadığı hələlik məlum deyil.