Birləşmiş Ştatlar administrasiyası ABŞ hökumətinin borcunun yanvarın 14-dən 23-ə qədər tavana çatacağını və səlahiyyətlilərin defoltun qarşısını almaq üçün təcili tədbirlər görməyə məcbur olacağını gözləyir.

Bu barədə ABŞ-ın maliyyə naziri Canet Yellenin Konqres liderlərinə göndərdiyi dərc olunmuş məktubunda deyilir.

"Bildiyiniz kimi, borc limiti müavinətlər, hərbi maaşlar, milli borc faizləri, vergilərin qaytarılması və digər ödənişlər daxil olmaqla, mövcud qanuni öhdəliklərini yerinə yetirmək üçün ABŞ hökumətinin borc almasına icazə verilən pulun ümumi məbləğidir. 2023-cü ilin iyununda borc limitinin 2025-ci il yanvarın 1-dək dayandırılmasını nəzərdə tutan qanun qəbul edildi”.

Nazirin sözlərinə görə, “2025-ci il yanvarın 2-də yeni borc limiti əvvəlki günün sonunda qanunla müəyyən edilmiş limitə uyğun olaraq ödənilməmiş borcun məbləği ilə müəyyən ediləcək”.

"Hazırda Xəzinədarlıq Departamenti yeni limitin 14 yanvar və 23 yanvar tarixləri arasında əldə ediləcəyini gözləyir və bu zaman Xəzinədarlıq təcili tədbirlər görməyə başlamalıdır”, - deyə Yellen Konqresi bütün lazımi tədbirləri görməyə çağırıb. Hazırda ABŞ-ın borcu təxminən 36,2 trilyon dollardır.

Cavid