Polşa növbəti altı ay ərzində Avropa Birliyi Şurasına sədrlik edəcək. Ukrayna Avrointeqrasiya məsələlərini irəlilətmək üçün əməkdaşlıq gözləyir.

Xalqcebhesi.az xəbər verir ki, bu barədə Ukraynanın xarici işlər naziri Andrey Sibiqa X hesabında yazıb.

Nazir qeyd edib ki, Ukrayna Polşanın liderliyinə, bütövlüyünə və qətiyyətinə arxalanır.

“Biz Ukraynaya hərbi dəstəyi gücləndirmək üçün yeni təşəbbüslər və təcavüzkara qarşı sanksiyaların tətbiq edilməsini gözləyirik”, - deyə Sibiqa əlavə edib.