Çexiyanın xarici işlər naziri Yan Lipavski rus ordusunun yanvarın 1-də səhər saatlarında Kiyevə iki nəfərin ölümü ilə nəticələnən hücumunu şərh edib.

Xalqcebhesi.az xəbər verir ki, o, bu barədə X şəbəkəsində bildirib.

O vurğulayıb ki, gələcəkdə də Çexiya diplomatiyası Ukraynanın tərəfində olacaq:

"Beləliklə, mənim qərarım budur: Çex diplomatiyası ukraynalıların tərəfində möhkəm dayanmağa davam edəcək, çünki sülh təcavüzkarın ədalət qarşısında cavab verməsindən başlayır".

Qeyd edək ki, yanvarın 1-də Rusiya kamikadze dronlarının Kiyevə hücumu nəticəsində iki nəfər həlak olub, azı 7 nəfər xəsarət alıb.