Şimali Koreyanın bu il ilk ballistik raket sınağını keçirdiyi açıqlanıb. Bildirilib ki, raket Yapon dənizi istiqamətində buraxılıb.

Yaponiya Müdafiə Nazirliyində verilən açıqlamada Şimali Koreyanın Pxenyanın yerli vaxtla saat 12:01-də Yapon dənizinə doğru ballistik raket atdığı qeyd olunub. İlkin məlumatlara görə, raket Yaponiyanın iqtisadi zonasından kənara düşüb. Yaponiyanın müdafiə naziri Gen Nakatani bildirib ki, hökumət hazır vəziyyətdədir və raketin analiz çalışmaları davam edir.