Fransızların 61 faizinin Prezident Makronun istefasını dəstəklədiyini nəzərə alsaq, yeni seçkilər siyasi böhrandan yaxşı çıxış yolu ola bilər.

APA-nın Tbilisi müxbiri xəbər verir ki, bunu Gürcüstan parlamentinin sədri Şalva Papuaşvili Fransanın Gürcüstandakı səfiri Şiraz Qəsrinin “X” platformasındakı paylaşımına cavabında qeyd edib.

“Mən Fransanın daxili siyasətinə müdaxilə etmək niyyətində deyiləm, ancaq fransızların 61 faizinin Prezident Makronun istefasını və 50 faizinin Milli Assambleyanın özünü buraxmasını dəstəkləməsini nəzərə alsaq, yeni seçkilər siyasi böhrandan yaxşı çıxış yolu ola bilər”, - Papuaşvili bildirib.