Kaliforniyanın Los-Anceles dairəsində baş verən yanğınların zərəri 50 milyard dolları keçə bilər.

Bu barədə “Associated Press“ “AccuWeather” konsaltinq şirkətinin bu proqnozlarına istinadən məlumat yayıb.

Mütəxəssislərin fikrincə, yanğından ilkin zərər və iqtisadi itkilər 52-57 milyard dollar arasında olacaq.

Şirkət hesablamalarında hansı göstəriciləri nəzərə aldığını hələ açıqlamayıb.

Ştatın yanğından mühafizə xidmətinin məlumatına görə, yanğınların ümumi sahəsi 10 min hektarı ötüb və artmaqda davam edir.

Yanğın 1000-dən çox binanı yararsız vəziyyətə salıb, ən azı iki nəfərin ölümünə səbəb olub və Los Ancelesin dairəsinin 950.000-dən çox abunəçisini işıqsız qoyub.