Birləşmiş Ştatlar, müttəfiqləri və tərəfdaşları F-16 qırıcı-bombardmançılarını döyüşdə idarə etmək üçün daha çox ukraynalı pilota təlim keçməyi planlaşdırır.

Bu barədə jurnalistlər üçün keçirdiyi növbəti brifinqdə Pentaqonun mətbuat katibinin müavini Sabrina Sinq bildirib.

“Mən indi konkret rəqəmlərə toxunmayacağam, amma düşünürəm ki, siz F-16 proqramına daxil olan bütün təlim proseslərindən yaxşı xəbərdarsınız. Və koalisiya daha çox pilot yetişdirmək üçün işlərini davam etdirir”, - Sinq qeyd edib.