Ermənistanın Avropa İttifaqına (Aİ) daxil olması ölkənin Avrasiya İqtisadi İttifaqına (Aİİ) üzvlüyü ilə bir araya sığmır.

Xalqcebhesi.az xəbər verir ki, bu sözləri Rusiya baş nazirinin müavini Aleksey Overçuk jurnalistlərə deyib.

O bildirib ki, Aİİ ilə əlaqələr məhdudlaşdırılarsa, Ermənistanda enerji qiymətləri artacaq və ixrac azalacaq:

"Aİİ və Aİ bir-birinə uyğun gəlmir. Hər iki birlik gömrük sərhədlərinin olmamasını və malların, xidmətlərin, kapitalın və işçi qüvvəsinin sərbəst hərəkətini nəzərdə tutur. Buna görə də Ermənistanda baxılan “Avropa İttifaqına qoşulma prosesinin başlanması” qanun layihəsi bu ölkəni seçim qarşısında qoyur”.