Somali ilə Efiopiya arasında 1991-ci ildən bəri davam edən gərginlik Türkiyənin vasitəçiliyi ilə sona çatıb.

Xalqcəbhəsi.az “sabah.com.tr”-a istinadən xəbər verir ki, ötən günlərdə Ankarada Türkiyə Prezidenti Rəcəb Tayyib Ərdoğan tərəfindən bir araya gətirilən iki ölkə liderləri bu dəfə Efiopiyanın paytaxtı Əddis-Əbəbədə görüşüblər. Somali Prezidenti Həsən Şeyx Məhəmməd və Efiopiyanın baş naziri Abiy Əhməd iki ölkə arasında diplomatik əlaqələrin bərpası barədə razılığa gəliblər. Birgə bəyanatda iki ölkədəki diplomatik nümayəndəliklər vasitəsilə ikitərəfli münasibətlərin yenidən qurulması və inkişaf etdirilməsi barədə qərarın qəbul edildiyi bildirilib.