Ümumdünya Səhiyyə Təşkilatı (ÜST) Gürcüstanı malyariyadan azad ölkə elan edib.

APA-nın Tbilisi müxbiri xəbər verir ki, bu barədə Gürcüstanın Səhiyyə Nazirliyi məlumat yayıb.

Nazir Mixeil Sarjveladzenin sözlərinə görə, malyariyadan təmizlənmiş ölkə elan edilməsi Gürcüstanın səhiyyə sisteminin davamlılığının növbəti tanınmasıdır. Onun sözlərinə görə, bu uğur Gürcüstanın mühüm və ciddi çağırışların öhdəsindən gəlmək qabiliyyətinə malik olması deməkdir.

ÜST-ün Avropa Regional Bürosunun direktoru Hans Kluge də Gürcüstana malyariyadan azad ölkə sertifikatının verilməsi münasibətilə təbrik edib.