İsrail ordusu faktiki olaraq Qəzzanı açıq hava həbsxanasına çevirib.

Fələstin Səhiyyə Nazirliyinin Qəzzada İsrail və HƏMAS arasında atəşkəsin 5-ci günündə verdiyi açıqlamada İsrail ordusunun hücumları nəticəsində ölən və yaralananlarla bağlı son məlumatlar paylaşılıb.

Bildirilib ki, son 24 saat ərzində xəstəxanalara 122 ölü və 306 yaralı daxil olub. Həyatını itirənlərdən 120-si dağıntılar altından çıxarılıb.

Qeyd edək ki, İsrailin 7 oktyabr 2023-cü il tarixindən etibarən Qəzza zolağına təşkil etdiyi hücumlarda həyatını itirən fələstinlilərin sayı 47 min 283, yaralıların sayı isə 111 min 472-yə yüksəlib.