Pakistanın Multan şəhərində maye neft qazı daşıyan tankerdə yanğınla müşahidə edilən partlayış baş verib.

APA xəbər verir ki, bu barədə “Geo Tv” məlumat yayıb.

Qeyd edilib ki, partlayış böyük yanğına səbəb olub. Yanğın saatlarla davam edən səylərdən sonra söndürülüb.

Hadisə nəticəsində 6 nəfər ölüb, 31 yaralı var. Xəsarət alanlardan 13 nəfərin vəziyyətinin ağır olduğu bildirilir.
Partlayış zamanı yaxınlıqdakı mağaza və evlərə ciddi ziyan dəyib.
Hadisənin hansı səbəbdən baş verdiyini müəyyən etmək üçün araşdırmalar aparılır.