Hindistanın şimalında keçirilən dünyanın ən böyük dini festivalı Maha Kumbh ölüm-dirim mübarizəsinin şahidi olub. Yaşanan izdihamda ən azı 30 nəfər həlak olub. Ölənlərin sayının artacağı ilə bağlı qorxular var.

Xalqcəbhəsi.az Türkiyənin “posta.com.tr” saytına istinadən xəbər verir ki, müqəddəs sayılan Qanq, Yamuna və Sarasvati çaylarının qovuşduğu 4000 hektarlıq ərazidə 100 milyona yaxın zəvvar toplaşıb. Müqəddəs insanların keçişini izləmək istəyən zəvvarlar barrikadaları yarmaq istəyərkən izdiham yaranıb. Festival üçün 50 min təhlükəsizlik işçisi, 11 səhra xəstəxanası və 2500 kamera yerləşdirilib.

Qeyd edək ki, 2013-cü ildə eyni festivalda izdiham 40 nəfərin həyatına son qoyub.