Paytaxt Vaşinqtonda təyyarə və helikopterin toqquşması nəticəsində sağ qalan olmayıb.

Xalqcebhesi.az xəbər verir ki, bunu ABŞ Prezidenti Donald Tramp brifinqdə söyləyib.

“Təəssüf ki, sağ qalan yoxdur”, – o, Ağ Evdə çıxışı zamanı bildirib.

Tramp həmçinin qeyd edib ki, sərnişin təyyarəsinin ekipajı düzgün hərəkət edib:

“Vaşinqtondakı qəzaya, əslində, helikopter səbəb olub”.

Xatırladaq ki, “American Airlines” şirkətinə məxsus “Bombardier CRJ700” təyyarəsi Vaşinqtonda Reyqan adına Milli Hava Limanı yaxınlığında “Sikorsky H-60 Black Hawk” hərbi helikopteri ilə toqquşduqdan sonra Potomak çayına düşüb. Təyyarədə 60 sərnişin, 4 ekipaj üzvü olub, helikopterdə isə 3 hərbçi varmış.

İndiyə qədər 30 nəfərin cəsədi sudan çıxarılıb.