Associated Press, ABŞ-ın aparıcı aviasiya mütəxəssislərinə istinadən xəbər verir ki, Vaşinqton ətrafındakı hava məkanı tıxac və mürəkkəbdir və aviasiya mütəxəssisləri çoxdan bunun fəlakətə səbəb ola biləcəyindən qorxurlar.

Bu qorxular çərşənbə günü axşam saatlarında American Airlines təyyarəsinin hərbi helikopterlə toqquşması zamanı baş verdi. Kanzas ştatının Viçita şəhərindən havaya qalxan təyyarədə 64 nəfər, hərbi helikopterdə isə 3 əsgər olub.

Prezident Donald Tramp American Airlines təyyarəsi ilə ABŞ ordusuna məxsus Black Hawk helikopterinin toqquşmasının 2001-ci ildən bəri ən ölümcül hadisə olduğunu bildirib.

Hətta pik uçuş şəraitində belə ekspertlər deyirlər ki, Reyqan-Vaşinqton Milli Hava Limanı ətrafındakı hava məkanı yüzlərlə digər kommersiya təyyarələri, hərbi təyyarələr və həssas obyektlərin ətrafındakı məhdud ərazilərlə "hoqqabazlıq" edən ən təcrübəli pilotlar və nəzarətçilər üçün problem ola bilər.

United Airlines-ın keçmiş kapitanı Ross Eimer xəbər agentliyinə "Bu, baş verməsini gözləyən bir fəlakət idi" dedi. "Uzun müddət orda uçanlarımız həyacan təbili çalırdılar ki, sistemlərimiz öz həddində işlədiyi üçün belə bir şey ola bilər".

Reyqan Hava Limanının əsas uçuş-enmə zolağı gündə 800-dən çox uçuş və enişlə ABŞ-ın ən işlək hava limanıdır.

Cavid