Karib dənizində qismən su altında qalmış qayığa rastlanıb. Qayıqda ən azı 19 cəsədin tapıldığı və hadisənin araşdırıldığı bildirilib.

Xalqcəbhəsi.az xəbər verir ki, bu barədə Türkiyənin “sabah.com.tr” saytı məlumat paylaşıb.

Məlumatda bildirilir ki, polis rəisi Ceyms Sutton açıqlamasında, "Bu, Karib dənizində çox rast gəlinməyən bir balıqçı qayığı idi. Qayığın Afrikanın qərb sahilindən gəldiyini düşünürük" deyə qeyd edib.

O həmçinin əlavə edib ki, səlahiyyətlilər qurbanların sayını və şəxsiyyətini müəyyən etməyə çalışır, lakin cəsədlərin geniş şəkildə parçalanması onların işini çətinləşdirir.