AŞPA-nın qış sessiyasında qurumun Türkiyədən olan deputatı Sena Nur Çelik Kanatın hazırladığı “Qadınlar və İqtisadiyyat: məşğulluq, sahibkarlıq və gender əsaslı büdcələşdirmə” adlı qətnamə layihəsi müzakirə edilib.

Xalqcebhesi.az xəbər verir ki, qətnamədə qadınların iqtisadi səlahiyyətlərini gücləndirmək üçün genderə uyğun büdcənin tərtib olunmasına çağırış edilib. Bildirilib ki, bugünkü tərəqqiyə baxmayaraq, qadınlar hələ də COVID-19 pandemiyası və münaqişənin iqtisadi nəticələri ilə daha da ağırlaşan iqtisadi bərabərsizliklərlə üzləşirlər. Bu qlobal çağırışlar qadınlar və kişilər arasında bərabərlik baxımından əldə edilən irəliləyişin kövrəkliyini və qarşıda görüləcək hələ çox işin olduğunu göstərir.

Qətnamə layihəsində bütün səviyyələrdə qadınların iqtisadiyyatda tam iştirakını təmin etmək üçün bütün sahələrdə gender həssaslığı olan maliyyə planlaşdırılması tədbirləri görülməlidir. Genderə uyğun büdcə alətləri büdcə dövriyyəsinin bütün mərhələlərinə inteqrasiya edilməli və bərabərlik üçün adekvat maliyyə vəsaiti ayrılmalıdır.

AŞPA hökumətləri büdcənin icrası üçün hesabatlılığı gücləndirməyə və gender təsirinin qiymətləndirilməsindən istifadə etməklə nəticələrin monitorinqini aparmağa çağırıb.

Türkiyədən olan deputatın qətnamə layihəsi səsverməyə çıxarılaraq qəbul edilib.