Ukrayna Silahlı Qüvvələri Belqorod vilayətinin Valuyski rayonunun Loqaçevka kəndində pilotsuz təyyarədən partlayıcı qurğunu avtomobilin üzərinə atıb, nəticədə bir kişi, 18 və 14 yaşlı iki qız həlak olub.

Bu barədə vilayətin qubernatoru Vyaçeslav Qladkov özünün Telegram kanalında məlumat verib.

İlkin məlumatlara görə, dron partlayıcı qurğunu avtomobilin üzərinə atıb. Hücum zamanı avtomobildə bir kişi və 18 və 14 yaşlı iki qızın olduğu iddia edilir. Onlar yerindəcə ölüblər”, - Qladkov yazıb.

Rayon rəhbəri xatırladıb ki, 2022-ci il oktyabrın 27-dən Loqaçevka kəndində fövqəladə vəziyyət hökm sürür, kəndə giriş qadağandır. “Bütün sakinlərə bir daha müraciət etmək istəyirəm: operativ qərargahın qərarı ilə bağlanan qəsəbələrə getmək olmaz”, - Qladkov qeyd edib.

Cavid