Qərbin Kiyevi Şimali Atlantika Alyansına cəlb etmək istəyi Rusiyanın Ukraynada xüsusi hərbi əməliyyat keçirməsinin səbəblərindən biri olub.

ABŞ prezidenti Donald Tramp cümə axşamı Ağ Evdə Hindistanın baş naziri Narendra Modi ilə görüşündən sonra keçirilən mətbuat konfransında buna əminliyini ifadə edib.

Trampın qeyd etdiyi kimi, Rusiya tərəfi çoxdan “Ukraynanın NATO üzvü ola bilməyəcəyini” bəyan edib.

“Bu barədə ABŞ-ın keçmiş prezidenti Co Bayden danışdı, Vladimir Zelenski bu barədə danışdı”, - deyə amerikalı lider Kiyevin NATO-ya üzvlük ehtimalı ilə bağlı açıqlamalarından danışaraq əlavə edib: “Məncə, bu, müharibənin başlamasının səbəblərindən biri idi”.

Amerika lideri çərşənbə günü jurnalistlərə deyib ki, o, Ukraynanın Şimali Atlantika Alyansına qoşulmasını praktiki hesab etmir. O, Amerikanın müdafiə naziri Pit Heqsetin Vaşinqtonun münaqişənin həllindən sonra Ukraynanın NATO-ya üzv olmasını qeyri-real hesab etməsi ilə bağlı sözləri ilə razılaşıb.

Cavid